| اوزون ایللردیر آذربایجانلیلارین اورکلرینده حبس اولان سس مای آییندا ائله گور چیخدی کی قولاقلارینی پامبیقلا دولدوران فارس شوونیزمی بو سسی مینلرجه آغاج اوزاقلاردا بیله ائشیتدی. عصیان قارشیسیندا تیر تیر تیترهین فاشیزم، اولایی یوکسک سسله اؤز آرالاریندا دانیشماقدان بئله قورخوردو. پیچیلتیلارلا قولاقدان قولاغا کئچسهده، پیچیلتیلار بئله قولاقلاری کار ائدهجک قدر یوکسلمهیه باشلامیشدی. بو سس اسیرلردیر ”ظلمه قارشی قیام” دییه ن میللتین تکرار آیاقلانماسینین خبرچیسیدی. مای قیامی تکجه دولت قزئتینده یایینلانان سویجو دوشونجهنین اورونو اولان کاریکاتور و یازییا قارشی دئییل، پهلوی رژیمی ایله باشلایان و گونوموزده ده دوام ائدن شؤونیزم و سویجولوغا دا قارشی آذربایجانلینین گوچو جوابی ایدی. حاقلی ایستکلرینی داها دا آچیک شکیلده دیله گتیرن میللتین یئنیدن واراولوش باغیرتیسی کیمی ایدی. بو قیام سانکی اؤزگورلوک یئلینی اسدیردی. مای اولایلاری آذربایجان میللی قورتولوش حرکتینین بلکه ده ان سوموت گؤسترگهسیدیر و حتی بیر دؤنوم نوقطه سیدیر. بو قیاملا برابر حرکت آذربایجانلیلاریین ائوینه گیرمیش اولدو، هامی اؤزونو بو قیامین بیر پارچاسی گؤردو. یاشلی، گنج، قادین، کیشی دئمهدن شهرلرین خیاوانلارینی فتح ائدن آذربایجانلیلار میللی حرکتین کیتلسللشدیگینی ده اورتایا قویدولار. تک میللت تک دؤولت سوداسینی ایللردیر قوجاقلایان فاشیزمین ازبرینی بوزموشدو بو حرکت. قیامین علیهینه بیرلشن موخالیف و محافظه کار جبههلر، ایرانین ایچریسینده و ائشیگینده قیامین خبرلرینی بایکوت ائتمکله قالماییب، اوتانمادان تورکلری محکوم ائتدیلر. حاقلی ایستکلرینی دیله گتیردیکلری اونلارجا اینسان وورولاراق اؤلدورودو، بیر چوخ اینسان یارالاندی، و یوزلرجه اینسان رژیم طرفیندن توتولدو آما هئچ بیر شئی اولمامیش کیمی اؤرتباس ائدیلیردی. آیریمجیلیغا دور دییه ن قیامی ائشیتمزدن گلهسه ده شوونیزم اوردوسو، او گونلرین صحنهلرینی بئینیندن سیله بیلمهدی. بئیینلرینه قازیلمیش اولان مای آیی ائله بیر قورخو ایدی کی هر هانسی کیچیک بیر گؤستری آرتیق رژیمین آیاقلارینی تیتردیردی. بو قیامین دؤردونجو ایل دؤنومونده هله ده دوام ائدن توتوقلامالارلا برابر آرتان گوونلیک اؤنملری مرکزجی ذهنیتین بو آیین قیامینین یئنیدن یوکسلمهسیندن قورخور. مای قیامی بیر خاطره دئییل بیر عصیان سیمگهسیدیر، موجادهله بیچیمیدیر. گوناسکام اولاراق مای قیامینین ایل دؤنومو گونو نه سیمگلنمیش 22 مای گونونون اونورلو موجادهلهمیزین یول گؤستریجیسی اولماسی دیلییریک. | 
.jpg)
